Kva må eg ha med for å røyste?

Vallova seier at ein velgjar som er ukjend for røystemottakar skal legitimere seg. Ta derfor med legitimasjon når du skal røyste, det er ikkje nok å oppgi namn og fødselsdato. Legitimasjon kan til dømes vere pass, førarkort og bankkort med bilete.

Dersom du oppheld deg på ein institusjon som sjukeheim, sjukehus eller fengsel, kan du få ein tilsett ved institusjonen til å stadfeste identiteten din.

Det er ikkje nødvendig å ha med valkort, men det lettar arbeidet for valfunksjonærane dersom du tar det med, og det vil gå raskare for deg å røyste.

Røysterett

Desse har røysterett:

• Norske statsborgarar som har fylt 18 år innan utgangen av 2011, og som nokon gong har vore registrerte som busette i Noreg.
• Statsborgarar i andre nordiske land som har fylt 18 år innan utgangen av 2011, dersom dei blei registrerte i folkeregisteret som busette i Noreg seinast 30. juni i 2011 og framleis bur i landet på valdagen.
• Andre utanlandske statsborgarar som har fylt 18 år innan utgangen av 2011, dersom dei har stått innført i folkeregisteret som busette i Noreg samanhengande dei tre siste åra før valdagen.

Alle som skal røyste, må vere innførte i manntalet. Manntalet er oversikta over dei som har røysterett i kommunen. Du står i manntalet i den kommunen der du var registrert i folkeregisteret som busett 30. juni 2011. Har du flytta, er det framleis adressa 30. juni som avgjer kva for kommune du har røysterett i.

Vallister i Gulen kommune

Valstyret handsama den 31. mai 2011 vallistene for kommunestyrevalet 2011, og godkjente vallistene for 6 parti.

Dei godkjende listene ser du nedanfor

• Det Norske Arbeidarparti
• Gulen Senterparti
• Gulen Venstre
• Gulen Høgre
• Gulen Kristeleg Folkeparti
• Gulen Framstegsparti

Nyttige lenker

• www.valg.no
• Ofte stilte spørsmål om valet
• Informasjonsfilm om valet