Brannvernet sin beredskap består av 82 deltidsmannskap fordelt på 7 brannstasjonar/depot på Matre, Duesund, Sandnes, Brekke, Byrknes, Dalsøyra og Eivindvik. Eininga har og feiaravdeling.

Gulen og Masfjorden kommunar har gjennom fellesprosjekt med revisjon av brannordningane, vedteke å slå saman brannverna til ei felles eining. Til å leie denne eininga og gjennomføre tiltak i samsvar med brannordningane søkjer vi brannsjef/prosjektleiar i ei 2-årig prosjektstilling 100 %.

Hovudoppdrag:
• Leiar av felles brannvern i Gulen og Masfjorden kommunar
• Organisering og drift av felles brannvern.
• Organisering og gjennomføring av opplæring for mannskap i hht krav i ”dimensjoneringsforskrifta” og brannordningane.
• Innkjøp av bilar og utstyr i samsvar med vedtekne investeringsplanar og etter krav i " lov/forskrift om offentlege anskaffingar".

Ønskt kompetanse og erfaring:
Så langt som mogeleg utdanning/kompetanse i samsvar med dimensjoneringsføresegna §7-11 - Brannsjef
Ved manglande kompetanse lyt ein eventuelt vere villig til å ta kurs for å oppnå kompetansen. Brannfagleg erfaring og erfaring som prosjektleiar vert vektlagt.

Ønskte personlege eigenskaper:
Sjølvgåande prosjektleiar med gjennomføringsenergi og evne.
Tydeleg leiar med gode samarbeidsevner.

Vi kan tilby:
Spennande og utfordrande oppgåver i eit godt arbeidsmiljø.
Løn og godtgjersle etter avtale. Fleksibel arbeidstid. Moglegheit for lenging. Valfri kontorstad, Eivindvik eller Masfjordnes.

Kontakt:
spørsmål om stillinga kan rettast til
kjell.reigstad@gulen.kommune.no tlf 57 78 20 48 eller ornulf.lillestol@masfjorden.kommune.no  tlf . 56 16 62 17

Søknad med CV vert å sende innan 27.04.2011 til
Gulen kommune, personalavdelinga, Eivindvikvegen 1119, 5966 Eivindvik, eller postmottak@gulen.kommune.no, søknad merkast ”brannsjef Gulen og Masfjorden”.