Etableringstilskot

1. Det kan etter søknad gjevast etableringstilskot til bygging av nye bustader i Gulen kommune eller til kjøp og/eller restaurering av eldre bygningar.
    
2. For å få tilskot må søkjaren vere under 45 år den dagen mellombels bruksløyve/ferdigattest ligg føre.
    
3. Etableringstilskotet skal ikkje utgjere meir enn 10 % av byggekostnadane, og ikkje meir enn kr 40 000, som er øvre grense for tilskotet. Tilskotssatsane kan endrast av kommunestyret. Ved endringar i tilskotssatsane er det utbetalingstidspunktet og ikkje tilsegnstidspunktet som er avgjerande for utmålinga av tilskotet.
    
4. Søknad om etableringstilskot må vere sendt frå søkjar til kommunen før innflytting.
    
5. Det er eit krav for utbetaling av etableringstilskot at:
   ·         søkjaren eig huset (grunnboksheimel e.l.), og at
   ·         han har fast bopel i det (attest frå folkeregisteret).
   Formannskapet kan i særskilte høve fråvike desse vilkåra.
    
6. Ved sal og/eller utflytting av bustaden før 5 år, kan kommunen krevje å få attendebetalt tilskotet i høve til den tida som er gått etter innflytting.
    
7. Administrasjonen får fullmakt til å avgjere innkomne søknader. Formannskapet fungerer som klageorgan.
    
8. Godkjent etableringstilskot vert utbetalt når ferdigattest/mellombels bruksløyve ligg føre, ev. når restaureringskostnadene er dokumentert.
    
9. Det vert teke generelt atterhald om endringar i reglementet.
    
10. Det vert gitt kr 20 000 i ekstra tilskot til dei som byggjer utleigeeining til fast busetnad.
     

Søknad sendast til Gulen kommune, Eivindvikvegen 1119, 5966 Eivindvik
eller på e-post til: postmottak@gulen.kommune.no

Søknad om utbetaling må innehalde dokumentasjon på kjøp/kjøpssum eller byggjeløyve/byggjekostnader i tillegg til dokumentasjon som under punkt 5. Tilskot til utleigeeining må dokumenterast med godkjenning etter plan- og bygningslova.