Røysterett ved kommunestyre- og fylkestingsvalet 2011

Opplysningane er henta frå Kommunal- og regionaldepartementet sine valsider www.valg.no
Har du elles spørsmål om valet kan du ringe Gulen kommune på 57 78 20 00.

Desse har røysterett:

Norske statsborgarar som

• vil ha fylt 18 år innan utgangen av valåret, og som 
• er eller nokon gong har vore folkeregisterførte som busette i Noreg, og som 
• ikkje har mist røysteretten sin etter Grunnlova § 53.

Tilsette i diplomatiet eller konsulatstellet og husstanden deira har røysterett sjølv om dei ikkje oppfyller busetjingskriteriet.

Ikkje-norske statsborgarar som oppfyller dei andre krava, dersom dei

• har vore innførte i folkeregisteret som busette i Noreg dei tre siste åra før valdagen, eller
• er statsborgar i eit anna nordisk land og har vorte folkeregisterførte som busette i Noreg seinast 30. juni i valåret.

Utanlandske statsborgarar som melder flytting ut av Noreg før valdagen, mister røysteretten.

For å kunne røyste må du stå innført i manntalet i ein kommune.