Ferjeleiet på Sløvåg skal fornyast og byggast om. Ferjekaia må difor stengjast for vanleg trafikk i perioden måndag 21. juni t.o.m. laurdag 26. juni. Kaia stengjer søndag 20. juni kl. 23.30 og opnar søndag 27. juni kl. 05.30.

Kaia skal byggast om for å få plass til ein breiare, tofelts lem. Dette krev full stenging under monteringsarbeidet.

Skyssbåt for persontrafikk vert sett inn mellom Leirvåg og Sløvåg medan kaia er stengd. Ferja, som til vanleg går i sambandet Leirvåg-Sløvåg-Skipavik, vil denne veka gå i pendeltrafikk mellom Leirvåg og Skipavik.

For å få informasjon om rutetider, må ein kontakte tide.no eller ringje Tide sjø på tlf. 05505.

I slutten av august skal ferjeleiet i Leirvåg gjennomgå tilsvarande oppgradering.