Tips ein ven
Skriv ut
Gulen kommune
Eivindvikvegen 1119
5966 EIVINDVIK
Opningstider ekspedisjonen: kl. 09.00-15.00
Telefon: 57 78 20 00
Framsida > Artikkel
Stengde kommunale vegar 28.06.2011
ENGESETVEGEN
Eit ras har fløymd over og øydelagd vegen mot Engesetdalen, vegen er stengd inn til vidare.
Politi er på staden og vil samarbeide med kommunen om vurderingar og tiltak i området.
Geolog frå NVE i Førde har vurdert tilhøva, og meinar det ikkje er fare for fleire ras på staden.
Kommunen vil i ettermiddag vurdere tiltak for opprydding av vegbana.
ASHEIM ved E39
Her er fleire kommunale vegarstrekningar øydelagd av utgraving/ras. Her er omkjøyringsmogelegheiter via gamlevegen.
Kommunen vil ha synfaring på desse vegane i ettermiddag, og vil vurdere tiltak i høve opprydding.
BREKKE v/Kyrkja (Høgereina)
Eit ras sperrar vegen. Vegen er stengt inn til vidare.
Kommunen vil ha ny synfaring på vegen i ettermiddag, og vil vurdere tiltak i høve opprydding.
Vi har og fått melding om fleire andre kommunale vegar som har fått skade.
Vi gjer og merksam på at det er venta store nedbørsmengdar i døgnet som kjem,
at det kan kome fleire ras, og at fleire kommunale vegar kan verte øydelagd pga av store vassmenger.
Treng du meir informasjon om situasjonen i høve kommunale vegar, ta kontakt med kommunen på tlf: 57 78 20 00.
