Hjelpemiddel
Mellombels behov for hjelpemiddel
Treng du hjelpemiddel på grunn av mellombels nedsett funksjonsevne, som for eksempel etter operasjon, akutt skade eller sjukdom, kan du ta kontakt med næraste bu- og omsorgsenter i kommunen. (Sjå kontaktinfo. nedanfor.)
Varig behov for hjelpemiddel
Har du varig nedsett funksjonsevne på grunn av sjukdom, skade eller lyte (over to år), kan du søkje NAV om lån av hjelpemiddel. Ta kontakt med ergoterapeut, evt fysioterapeut i kommunen, og saman kan de kartlegge behov og løysingar. Ergoterapeut//fysioterapeut hjelper med søknad til NAV. (Sjå kontaktinfo. nedanfor.)
Syn og hørsel
Kommunen har eigen kontaktperson for denne type hjelpemidlar. For tida er dette Spesialhjelpepleiar Reidun Eide, tlf. 94 50 67 89. Ho er tilgjengeleg på tirsdagar.
Tilpassing av bustad
I samarbeid med NAV og husbanken. Ta kontakt med ergoterapeut i kommunen.
Lån, tilbakelevering, ansvar
Det er gratis å låne hjelpemiddel.
Kvart bu- og omsorgsenter (sone) har enkle hjelpemiddel på lager, som du kan låne i tre månader, eller lengre etter avtale. Eksempel på slike hjelpemiddel er toalettforhøgar, dusjkrakk, krykker, rollator, terskeleliminator, transportrullestol m.m.
Hjelpemiddel du har lånt frå NAV, skal leverast attende til kommunen.
Når du låner hjelpemiddel har du ansvar for å ta vare på dei, halde dei reine og melde frå ved feil og manglar, og du har ansvar for å levere dei tilbake.
Kontakt oss
Kontakt ved mellombels lån
| Bu- og omsorgssenter | Avdelingssjukepleiar | Telefonnummer |
| Eivindvik bu- og omsorgssenter | Kari-Lise Ellingsen | 57 78 16 20 |
| Brekke bu- og omsorgssenter | Mona Hjartholm | 57 78 16 30 |
| Byrknes bu- og omsorgssenter | Rigmor Søvik Mjømen | 57 78 16 40 |
| Dalsøyra bu- og omsorgssenter | Irmelin Gripsgård | 57 78 16 50 |
Kontakt ved varig lån
| Kontakt | Telefon |
| Ergoterapeut Wenche Leite | 94 50 67 90 |
| Spesialhjelpepleiar Reidun Eide | 94 50 67 89 |
| Fysioterapeut Beate Bjerkestrand | 40 92 47 09 |
