Lag og organisasjonar kan søkje tilskot til høge straumkostnader
De søkjer via Lotteri- og stiftelsestilsynet sine nettsider innan 15. mars.
På same måte som private husstandar, får lag og organisasjonar no høve til å få dekt delar av dei høge straumkostnadane for perioden desember til mars.
Ordninga gjeld organisasjonar som er registrerte i frivilligregisteret. I tillegg til tradisjonelle medlemsorganisasjonar, vil ordninga óg gjelda ideelle samskipnader som eig ulike typar forsamlingslokale.
Det vil óg vera mogleg å få dekt straumkostnader i leigde lokale der leigetakar betaler straumen.
De må søkje via det nasjonale søknadsskjemaet hos Lotteri- og stiftelsestilsynet. Desse blir automatisk vidaresendt til kommunen.
Trykk her for å gå til søknadsskjema.
Dei som søker må oppgi:
- Namn på organisasjon
- Organisasjonsnummer
- Kontaktinformasjon
- Kontonummer
- KWt forbruk desember og januar
- Straum- eller fjernvarmerekning for desember og januar som vedlegg
Med utgangspunkt i gjennomsnittlege prisar for perioden, gjeld følgande støttesatsar:
Desember: 59 øre per kWt
Januar: 57 øre per kWt
Februar: 38 øre per kWt
Mars: 66 øre per kW
Totalt har Kulturdepartementet fordelt 250 millionar kroner i straumstøtte for frivillig sektor til kommunane.
Trykk her for meir informasjon om ordninga.
Har du spørsmål om ordninga?
Ta kontakt med
kulturkonsulent Herold Kråkenes.
Tlf: 57 78 20 08
e-post: herold.krakenes@gulen.kommune.no